بنات الجزائر وكل العرب




 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 موسوعة نكت8

اذهب الى الأسفل 
كاتب الموضوعرسالة
نور الشمس
♥عضوة مشاركة♥
♥عضوة مشاركة♥


عًدد مشآاركتي: : 53
نقٍاآطـِـِ: : 213
|تآاريخـِـِ التسَجيلـِـِ: : 23/07/2010
العَمٍر: : 21
العمل/الترفيه : متعددة
مّزاجي: : مرح
الجنسًـِـِ: الجنسًـِـِ: : انثى

مُساهمةموضوع: موسوعة نكت8   السبت يوليو 24, 2010 5:55 pm

مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له : درة يا بيه….. فقال له المفتش انتو ما بتفهموش حاجة الكتاكيت دي بتاكل علف…….. وراح عمله غرامة 1000 جنيه…. راح مشي التاجر بالعربيه وهو في الطريق وقفته لجنه تموين تاني وقال له المفتش انت بتأكل الكتاكيت دي ايه قال له بأكلهم علف يا بيه فقال له المفتش انت ايه يا أخي انت ما بتفهمش دي بتاكل درة وعمل له
غرامه 1000 جنيه وبعد شويه وهو ماشي وقفته لجنه تموين تاني وقال له
المفتش انت بتأكل الكتاكيت دي ايه قال له يا بيه انا كل يوم الصبح ادي كل
كتكوت جنيه وهو ياكل اللي هو عايزه
—————————————–
94- واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى…….طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ….. وقابل موظف اخر وسأله عن الفراخ المدبوحة ومقطعه
فقال له عايزها متكيسة ولاّ لأ ؟؟ قال له متكيسة فقال له اطلع الدور الرابع …..
طلع الدور الرابع وقابل موظف اخر وقال له عايز فراخ مدبوحة ومقطعه ومكيسة
فرد الموظف وقال له مافيش فراخ بس ايه رأيك فى النظام

—————————————–
95- واحد راح الصيدلية وقال للدكتور : عايز لبن اطفال ….. الدكتور: اسمه ايه !؟
,,,,,, الراجل : اسمه اشرف
—————————————–
96- بخــيل وقع فى حفرة ، فتجمع عليه الناس علشان يساعدوه … المهم انه في الآخر ما كانش راضي يطلع ، فجاهم واحد و سألهم ايه اللى بيحصل ؟ قالوله احنا
قاعدين نقوله هات ايدك هات يدك وهو رافض، قال بسيطه ، راح عند البخيل وقال
له خذ ايدي …………….فطلع البخيل
—————————————–
97- كل يوم النمر ينزل في الأرنب ضرب و يقول له إنت ودانك طويلة ليه. اشتكى الأرنب للأسد و قال له على تصرفات النمر معاه.الأسد قال للنمر يا أخي إتلكك
للأرنب بطريقة أحسن من كده، قول له هات لى جزر، إذا جاب لك جزر لونه
أصفر إضربه و قول له أنا عاوز جزر أحمر، و إذا جاب لك جزر أحمر إضربه و
قول له أنا عاوز جزر أصفر. فقال النمر للأرنب أنا عاوز جزر، فقال له الأرنب،
عاوز الجزر أصفر و لا أحمر.النمر نزل في الأرنب ضرب و قال له إنت ودانك
طويلة ليه
—————————————–
98- فرختين مشيين الاولى معلقة بيضة على رقبتها .. فالتانية بتسالها اية البيضة
دى؟ قالت دى صورتى و انا صغيرة
—————————————–
99- مرة واحد حب… كلته الفراخ
—————————————–
100- مرة اتنين ماشيين ف الصحرا… طلع عليهم اسد… راح واحد منهم رمي عليه
طوبة وطلع يجرىىىىىى… وبص وراه لقي صاحبه واقف ما بيجريش… قال
له مش بتجري ليه؟ قال له واجري ليه؟ هو انا اللي ضربته؟؟؟؟؟




مره كان فى فار قاعد فى خمارة وبيسكر وهو بيشرب اول شفطه ويبص على الحيوانات ولما يجى عند الاسد يبص له من فوق لتحت ويقول حد هيطلع عينه انهارده وفضل كده لمدة يومين ففى ثالث يوم الاسد قال الواد ده بيبوص لى كدا ليه فقام شده من ديله فقال الفار انا مش قلت حد هيطلع عينه انهارده

مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته

كان في مرة واحد صاحب مزرعة جزر وجانبه واحد صاحب مزرعة ارانب كان كل يوم يجي يلاقى الارانب اكلت الجزر كله وهكذا كل يوم لحد مل زهق قرر انه يروح مزرعة الارانب وجاب شاكوش وكسرلهم كل اسنانهم جه تانى يوم الصبح برده لقى الجزر بتاعه حد اكله راح عند الارانب ومسك واحد منهم وقاله انتوا واديتوه الجزر فين قالوه :عملناه عثير وثربناه



مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس

مرة واحد غبي راح حديقة الحيوان فضل واقف امام قفص النسر عدت ساعة والثانية و الثالثة الحديقة هتقفل رحله الحارس وقلة انت و اقف ليه كدة من الصبح ,, الغبي قاله ادفع نص عمرى و اعرف بيختمو بيه الورق ازاى

مرة واحد غبى ماشى فى الشارع لقى قرد مشي بيه قابل عسكرى مرور سألوا اودى القرد ده فين العسكرى قال له ودىه جنينة الحيوان تانى يوم معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ، النهاردة بقى هاوديه السينما



مره ثعبان قابل ثعبان لقاه بيعيط قالوا انت بتعيط ليه رد اصلي انا نظري ضعيف قالو بسيطه ركب عدسات وبعد يومين وهو معدي لقاه بيعيط تاني قالو انت بتعيط ليه تاني، رد اصلي اكتشفت ان اللي بحبها من عشرين سنه طلعت خرطوم

طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني أول ما ضرب نار الكلب اعد يزغرط

كان فى مرة فيل كل يوم يمشى يدوس على النمل فالأستاز فوزى قائد النمل عمللهم اجتماع وقال فيه احنا لازم نموتة ، فاتقسموا مجموعتين مجموعة نطت على جانبة اليمين راح باعدهم ومجموعة نطت على الشمال راح باعدهم وفضل فوزى فى النص فكل النمل من تحت قعد يزعق : موته يا فوزى موتة يا فوزى



ــ أيه هو عكس كونكريت؟
لا تكن كريت


ــ اية هو عكس تلميذات ؟
dont tell me that

ــ حاجة ماشية على الارض وبتعمل زززززززززززززز أية هي ؟
صرصار راكب موتوسيكل


ــ طب ناس دخلوا شقة فعرفوا ان فيها صراصير عرفوها ازاي ؟
لقوا الموتوسيكلات راكنة جنب البلاعة


ــ تعرف تقولي فرقين بين الليمون والزيتون ؟
1- فية ليمونادة وما فيش زيتونادة

2- تقدر تقول الناس لاموني وماتقدرش تقول الناس زاتوني

ـ طب تعرف تقوللي 5 فروق بين الفيل والنملة؟
1- رجل الفيل ممكن تنمل لكن رجل النملة مش ممكن تفيل

2- البيت ممكن يبقى فية نملية لكم مش ممكن يبقى فية فيلية

3- تقدر تاكل سمك فيلية بس مش ممكن تاكل سمك نمليه

4- كل واحد لة بروفيل لكن مالوش برونملة

5- You can feel but you cant namla

ــ طب تعرف تقول 5 فروق بين البطة والوزة؟

1- تقدر تحلق شعرك زلبطة لكن ماتقدرش تحلقة زلوزة

2- فية رحالة اسمة ابن بطوطة لكن مافيش رحالة اسمة ابن وزوزة

3- تقدر تبلبط في البحر لكن ماتقدرش يبلوز فية

4- كلنا بنتغطى في الشتاء ببطانية لكن مابنتغطاش بوزانية

5- الوزة كانت زمان بطة لكن الشيطان وزها

ــ طب اية عكس نجوم؟

نؤعود

ــ لية القطر بيصفر قدام الاجزاخانات؟

علشان القطرة تطلع

ــ لية القطر بيقف على المحطة؟

علشان مابيعرفش يقعد

ــ طب لية بيمشي بعد كدة؟

علشان زهق من الوقفة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hibafares
♥عضوة مشاركة♥
♥عضوة مشاركة♥
avatar

عًدد مشآاركتي: : 88
نقٍاآطـِـِ: : 187
|تآاريخـِـِ التسَجيلـِـِ: : 16/07/2010
العَمٍر: : 20
العمل/الترفيه : العب
البلدّ: : الجزائر
مّزاجي: : فرح
mms :
الجنسًـِـِ: الجنسًـِـِ: : انثى
|كاندي دول: |كاندي دول: :

مُساهمةموضوع: رد: موسوعة نكت8   الأربعاء يوليو 28, 2010 12:08 pm

مشكورة على الموضوع الرائع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
موسوعة نكت8
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بنات الجزائر وكل العرب :: مجلس الترفيه :: االنكت والمسرحيات-
انتقل الى: